mujiga y test: Diego Moroder, aranjamënt Tobias Klassen, jené 2016
Mumënc
N bel mumënt, n sentimënt che me à senià l di
emozions tan daujin y mé da pië do.
Chi che te cosses scëmples vëij zech de bel
cianté n cumpania o s'la cunté dlongia furnel.
Mi burvanda de culëures ei arichì
scutan su plu minonghes mi cheder se à mplenì
particuleres che nchin sën ne ovi udù...
Arjonji pizes che mei ne ëssi credù.
Vede do al tepih cueciun, metù ju mé per mé
chël che me à dat la sburdla de crëscer, y de flurì.
Amiré y lecurdé, mpede pultré y mandé
strana nurmalità, a chëla che é messù me usé.
Mi burvanda de culëures ei arichì
scutan su plu minonghes mi cheder se à mplenì
particuleres che nchin sën ne ovi udù...
Arjonji pizes che mei ne ëssi credù.
Me é sentà tla ferata, coche da giut ëssi dù fé
l mond da n tel pitl, pitl viere ie plu saurì cunscidré.
Derzedes de mprescions ei tëut su te mé
cie che fova nsëuralauter, sën plu tler ie per mé.
Mi burvanda de culëures ei arichì
scutan su plu minonghes mi cheder se à mplenì
particuleres che nchin sën ne ovi udù...
Arjonji pizes che mei ne ëssi credù.
