mujiga y test: Diego Moroder, aranjamënt: The Zanzis, dezëmber 2014

I viages

Ie rate che dé su dut,
tlope adum mi pientles y po' ne m'udrëis plu,
nce da mi lëur ei ie bele tëut cumià,
ue descuvrì a cie che son destinà.
Dit y fat me n sons pià via
dl bel Saslonch tosc ne udoven plu nia.
Sciche fulestier suvënz me ai tratà,
te chëi mumënc me al tan nchersciù do mi ncësa.

Scot'nes su mut, sebes: nëus te on tan gën,
chir ti streda y nia dë' te tenì su
i viages ie tlo per madurì
nce sce l ne n'ie nia for saurì.
Scot'nes su mut, sebes: tlo ies for bënunì,
sce ne t'ses nia ulà via, a cësa posses for unì
cie che te es udù y vivù deguni ne po' te tò
cunescënzes y mo, ma vië inò!

Ntant ei pruà y fat dldut,
maià d'autra spëisa y festejà desnut,
nchin tert tla nuet ei ie sozialisà,
muess' bën dì, per fertuna ala for butà.
Chiche s'à nfidà a s' giaurì al mond,
y à pudù udëi da n auter pont,
plu saurì se fej sën a sciazé
l bel che uni post po' te scinché.

Scot'nes su mut, sebes: nëus te on tan gën,
chir ti streda y nia dë' te tenì su
i viages ie tlo per madurì
nce sce l ne n'ie nia for saurì.
Scot'nes su mut, sebes: tlo ies for bënunì,
sce ne t'ses nia ulà via, a cësa posses for unì
cie che te es udù y vivù deguni ne po' te tò
cunescënzes y mo, ma vië inò!